定頻式冷氣機 vs 變頻式冷氣機：哪一款更省電更適合你？

 

☀️酷熱天氣持續～ 你地係咪成日開冷氣呢🧊日日開冷氣💸💸電費係咪好貴呢？🥲🥲

所以，有唔少人開始推變頻冷氣機！🥳話比普通定頻冷氣機慳成4️⃣成電，電費都慳翻唔少🤩

今日就同大家拆解定頻和變頻的分別 💁🏻‍♂️睇下變頻係咪真係咁好😙

同被大家一啲揀冷氣嘅建議以及教大家正確關冷氣的方法😝

 

🧊Part 1：定頻式冷氣機

💡定頻冷氣機原理

定頻式冷氣採用傳統冷氣機嘅制冷方法，佢嘅壓縮機轉速快，只能夠以固定頻率最高轉速嚟運行，因此就叫做「定頻式」。當定頻式冷氣達到設定嘅溫度，就會自動停止運作。直至溫度再次上升時，先會重新啟動，以調節室內溫度。

 

 

***定頻式冷氣機調節溫度嘅範圍大約係正負1.5度。

運行例子：我地設定咗25度

當室溫達到23.5度，冷氣就會停止制冷。

而當室溫上升到26.5度，冷氣機就會重新啟動制冷。

換句話講，壓縮機嘅運作係按照開關嚟調節溫度，唔會自動調節。

 

✅定頻冷氣機好處 / 優點：

定頻式冷氣機優點可分為以下三點：

 

🌟1️⃣ 耐用度高，使用壽命較長

相對於變頻式冷氣機，定頻式冷氣機內嘅壓縮機轉速較快，但運行穩定，損壞風險較低，所以使用壽命較長。

 

🌟2️⃣ 維修相對方便，容易搵到修理師傅

因為定頻式冷氣機係使用傳統技術，好多維修師傅都應該有相關嘅維修經驗。所以，修理起上黎相對方便。此外，由於部件無咁多，所以師傅都更容易發現聽更換損壞嘅部件。

 

🌟3️⃣ 技術已經好成熟，售價相對便宜

定頻式冷氣機係傳統技術，已經好成熟。所以，製造成本相對較低，售價亦比變頻式冷氣機便宜。

 

***總括而言，定頻式冷氣機有其獨特嘅優點，尤其適合長時間使用。

 

❌定頻冷氣機壞處 / 缺點：

定頻式冷氣機缺點可分為以下兩點：

 

 

🌟1️⃣ 溫度會忽高忽低

因為定頻式冷氣機嘅壓縮機需要長時間高速運轉，當室內溫度達到設定值之後，冷氣機就會停止運作，直至室內溫度上升到一定程度時，才會重新啟動制冷。因此，使用定頻式冷氣機時，室內溫度可能會忽高忽低，影響使用者嘅舒適度。

 

🌟 2️⃣ 耗電量高

由於定頻式冷氣機嘅壓縮機需要不斷啟動和停止，以維持室內溫度，因此冷氣機嘅耗電量相對較高。每次啟動時，冷氣機嘅電流較平時大約多三倍，亦有可能導致「Chur電」嘅情況。

 

🧊Part 2 ：變頻式冷氣機

 

💡變頻冷氣機原理

變頻冷氣機嘅運作原理係透過控制馬達轉速，調節壓縮機轉速嚟控制冷氣嘅輸出功率，從而達到自動調節室內溫度嘅效果。變頻冷氣機通常使用電腦控制，能夠自動調節壓縮機轉速，以因應室內溫度嘅變化。

 

運行例子：我地設定咗25度

當變頻冷氣機達到設定嘅溫度之後，佢就會自動轉為低速運轉。

就好似上落斜坡嘅原理，可以慢慢地調節溫度，避免溫度上升或下降得太快，令室內嘅溫度可以長時間保持穩定。

 

✅變頻冷氣機好處 / 優點：

變頻式冷氣機嘅優點可分為以下兩點：

 

 

🌟 1️⃣ 更能保持室內溫度穩定

變頻冷氣機嘅壓縮機可以在一定範圍內自動調節溫度，唔會好似定頻冷氣機咁一樣開關冷氣，溫度變化更加平穩。所以，變頻可以更有效地保持室內溫度穩定。

 

 

🌟 2️⃣ 更省電和省錢

通常情況下，變頻冷氣機嘅能源效率比定頻式更高，可以慳約15-20%嘅電力消耗。因為變頻冷氣機嘅壓縮機可以適當咁調節轉速，無需反復啟動同停止冷氣機，可以更有效地利用能源，慳電費話咁易！

 

***總括而言，變頻式冷氣機有很多優點，尤其係節能同保持室內溫度穩定方面表現優異。

 

❌變頻冷氣機壞處 / 缺點：

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

🌟 1️⃣ 維修風險高

變頻冷氣機內含好多嘅電子零件。同時佢嘅控制系統相對於定頻式更複雜。所以，佢可能會出現更多維修問題，例如係最常見嘅壞電腦底板問題。如果唔好彩出現維修問題，維修師傅的修復難度可能會更高。維修費用亦都可能會較高。

 

 

🧊Part 3：定頻式vs變頻式冷氣機 

變頻定頻差別懶人包🌟

💓1. 定頻式優點

  • 較耐用
  • 維修較方便和容易
  • 技術悠久，相對售價較便宜

 

💓2. 定頻式缺點

  • 耗電量高
  • 溫度會忽高忽低

 

💓3. 變頻式優點

  • 較省電
  • 更能保持室內溫度的穩定

 

💓4. 變頻式缺點

  • 維修成本、風險較高
  • 控制系統比定頻複雜

 

🤔冷氣定頻好還是變頻好？點揀好？

🏢商用：定頻式冷氣機

因為定頻式冷氣機較為耐用，維修機會亦較少，能夠提高使用效能。同時定頻式冷氣機可以減少維修嘅風險同費用

 

🏠家用：變頻式冷氣機

對於屋企使用的消費者通常會比較重視慳錢慳電。所以，我地建議選擇變頻式冷氣機。

相對於定頻式冷氣機而言，變頻式冷氣機嘅能源效率更高，可以慳更多嘅電費。另外，變頻式冷氣機係設計上都通常採用一級能源標籤，相對會環保啲同慳電。

 

***大家都可以按自己需求喜好去挑選，記得了解清楚先好購買～

 

🧊Part 4：如何正確關冷氣機

正確關閉冷氣機有以下3️⃣個步驟：

 

正確關閉冷氣機又有咩用？

 

💡💡延長冷氣機的使用壽命

冷氣機係運作嘅時候會產生大量嘅濕氣。如果突然關冷氣機，室內溫係唔會立即下降，但冷氣機內嘅濕氣亦都無辦法立刻排出。咁樣會令冷氣機好容易出現冷凝水嘅現象，亦都係俗稱嘅「倒汗水」。如果長時間出現呢種現象，會影響冷氣機嘅使用壽命。所以，正確關閉冷氣機可以幫助用戶避免呢種問題，延長到冷氣機嘅使用壽命。