應該新手媽媽不知道該如何選擇寶寶地墊…我到底該買Eva拼圖地墊？PVC地墊？定係4cm 折疊地墊？Ready媽早前都係IG同Facebook簡短咁介紹過，

今天一於將7大選購要點寫出嚟！我相信一定能對大家係選擇BB地墊時有好大幫助～

係開始前Ready媽同大家簡單說明一下，基本上目前市面最常見嘅地墊大致分為三種材質：EVA拼圖、PVC軟墊、4cm折疊地墊，Ready媽比較推薦第三種『4cm折疊地墊』比各位媽媽！

原因無他，先不論市面上各種拼圖地墊嘅品質良莠不齊、一堆來路不明嘅貨品，單單拼圖地墊嘅設計已經夠難清潔呢件事就令Ready媽覺得拼圖地墊對各位媽媽都唔友善。

不論係BB嘔奶、屙尿、打翻零食等等，清潔時只能將每一片地墊都拆開，然後一啲一啲清理凹凹凸凸嘅拼合處！一啲拼圖地墊表面仲做成有坑洞(可能為了防滑 )

有用過拼圖地墊嘅媽媽就知道！清理過一次都會覺得人生失去希望！真心奉勸大家唔好選擇拼圖地墊！

咁第二種PVC地墊呢？Ready媽知道有媽媽會用！但Ready媽唔敢推薦因為PVC墊係無毒安全性上仲係有好大爭議！你可以上google打關鍵字『PVC 毒』，

就會出現非常多新聞報導同專業文章同討論區內容，唔需要Ready媽再多講！總之PVC地墊Ready媽係呢到唔會推薦。

咁直接跳到4cm折疊地墊講就好！呢篇都係以Ready媽經驗之談幫大家分析，睇完直接找到最好、最有名、最安全又最值得入手的韓國寶寶地墊/寶寶屋！

Ready媽仔細咁分析之後列出7大地墊/寶寶屋選購守則：

分別是…

1.材質形式

2.無毒認證與&產地

3.PU等級

4.PE等級

5.4cm厚度

6.寶寶屋

7.寶寶屋點揀

以下就等Ready媽一點一點同各位媽媽分析～

1. 材質形式

▌重點✓ PU+PE材質最好清潔又安全無毒 ▌

大家可以先了解一下，目前市面上嘅4cm折疊地墊都是採PU(皮革)同包覆PE(聚乙烯)嘅形式，呢兩種材質都可以好容易就達到無毒又環保等級嘅材料，除咗PE聚乙烯嘅耐撞度非常好之外，外層嘅PU皮革只要買用料比較好嘅品牌，佢嘅舒適度可以話係完全沒有缺點可挑惕！就連清潔這方面都是一比一優秀！因為PU皮革嘅表面係防水，所以BB吐奶、漏尿、打翻食物等等都唔怕！媽媽只需要濕紙巾一抹就即刻乾淨曬！根本一秒KO拼圖地墊！

▌重點✓ 四折墊最適合空間利用 ▌

Ready媽睇住各位媽媽買4cm折疊墊咁耐，呢種無毒PU+PE材質嘅韓國地墊幾乎都係折疊式，有四摺/五摺甚至係六摺可以揀！平常除咗攤開係地下當大範圍嘅遊戲防撞空間之外，你仲可以對折一半以符合屋企空間運用，甚至四折都摺埋當作BB們臨時長椅！其他擺法例如當做山洞比佢地爬下消耗體力等用途就係額外bonus了 ~

2. 無毒認證&產地

▌重點✓ 唔係韓國大廠唔買 ▌

呢點好重要，因為這麼多年來我的BB們除咗上床瞓教或出門不係屋企之外，其他時間通通都係地墊上度過！甚至大人都是係地墊上一起陪伴～尤其夏天BB、大人嘅肌膚係直接接觸地墊、口腔期發展中嘅小朋友仲可能Lam 地墊同咬地墊，更加唔洗講佢地將食物掉係地墊上面再好開心咁拎起來食阿！！BB地墊唔係100%安全無毒媽媽們又點敢放心？

來源：Caraz Nice Bumper

所以呢點Ready媽就會選擇有國際性檢測撐腰嘅韓國品牌，指標依據可以睇呢啲關鍵字：韓國kc、韓國經濟部標檢局KOLAS、歐盟CE、美國CPSIA、ISO9001跟ISO14001等等，唔單只要『100%無毒零檢出』(無甲醯胺、無甲醛、無塑化劑、無DMF、無環境賀爾蒙、無有毒重金屬等等)，甚至BB地墊 Ready媽依家就推薦大家只要揀“100%韓國製造生產”！而且要揀韓國大廠牌嘅地墊Ready媽先安心！(代工廠貨or自有品牌訂做都係一個Big NO!)

3. PU等級同細節

▌重點✓ 香港潮濕悶熱要揀唔黏腳皮革 ▌

其實一張好嘅韓國地墊有非常多值得注意挑選嘅細節差異，例如手工縫製、縫線排列同密度、表皮平整度等等，這些都會影響一張地墊實品所呈現嘅美觀性！當然市面上也有好多BB地墊係上面印了好多可愛嘅動物或圖樣，不過依家最流行嘅其實係素色搭配例如：灰白相間、淡雅的粉嫩色系！不過外觀選擇比較主觀，Ready媽就不作討論，如果單就地墊外表，大家只要注意呢塊地墊嘅拉鍊本身一定要採用『隱形拉鏈』！傳統外露式拉鏈除咗唔靚之外仲會有刮傷BB同大人肌膚嘅危險性！

來源：Caraz Bumper

一樣都是水性PU皮革嘅外層，唔同等級嘅PU觸感真係截然不同！有種睇起嚟有明顯亮光感嘅塑膠fu皮革Ready媽唔建議選擇！除了踩在上面會有黏腳嘅感覺跟發出聲音之外，實際上瞓係上面其實好悶熱好貼肉的！流汗的話仲慘！成塊肉都黏係上面，移動時候摩擦感超重！

4. PE等級同堆疊技術

▌重點✓ 泡棉表層有微型波浪的才安全 ▌

BB地墊唔單止外觀設計，就連內部原料製程都係門學問！而地墊最主要目的就係防撞，所以提供它防撞功能嘅泡棉當然係最重要的一環～但係大家都淨係在意泡棉係咩種類，而冇諗過呢啲泡棉點製成！就Ready媽所知，目前韓國最新最安全嘅泡棉堆疊技術叫做『無毒熱密合』！係遺棄咗用傳統化學膠水接合各層泡棉嘅技術，(因為膠水又係另一個需要考慮無毒安全性嘅因素)，採用高溫高壓方式去將每一層高密度嘅泡棉層層堆疊而成為一塊4cm厚度嘅泡棉！

呢種結合方式最最安全，但同時都有不可避免嘅小代價！除咗製程比較昂貴之外，因為是用高溫高壓去壓製，所以每一層泡棉就只能夠好似一片厚紙板咁一樣平！冇法出現彎彎曲曲嘅中空造型，側面乍看之下就係一層厚厚泡棉，要仔細湊近睇先睇到一層一層被壓力接合嘅高密度泡棉～都係因為用熱密合方式堆疊，每張泡棉表面就一定會出現微微浪板嘅形狀，大家可以想像到嘛！？畢竟用高溫高壓對待；泡棉整個“縮”起來嘅感覺，最後出現微型波浪！其實唔仔細睇唔會太有感覺，但已經成為韓國媽媽評斷一張地墊係咪有用安全無毒嘅熱密合技術製成嘅小方法！

5. 4cm 先係完美厚度 !

▌重點✓ 厚度不足防撞力差、厚度過高會kick倒 ▌

Ready媽之所以唔推薦拼圖地墊除咗一開始提到嘅原因之外，仲有一點就係拼圓地墊其實偏薄！1或2cm嘅EVA地墊係接收撞擊力道嘅時候緩衝遠遠唔夠4cm折疊墊好！有跌過嘅人就會知道(或者BB跌過！)係拼圖地墊上跌倒嘅聲響同折疊地墊上跌到嘅氣墊感聲真你截然不同！當然後續BB嘅嚎啕哭聲都唔一樣！只要揀啱對泡棉材質係高密度xpe材質(最好數量高達8-10層)，除咗坐起嚟更柔軟舒適之外，防撞力都會高出好多！

但有部份媽媽就會誤會啦咗地墊越厚就越好越安全呢！咁韓國廠商點解唔做5cm 6cm甚至7cm厚呢？係因為成本太高？其實呢個觀念大錯特錯！